Programi Nutricionit
Programi 1-vjeçar i Nutricionit është i pari i këtij lloji në Shqipëri dhe ofron një përgatitje të plotë teorike dhe praktike në fushën e nutricionit. Mësimet teorike zhvillohen në ambientet moderne të Akademisë Dermolife, ndërsa praktika profesionale realizohet pranë spitalit privat Trita Hospital, ku çdo ditë trajtohen pacientë me problematika që lidhen ngushtë me sistemin gastrointestinal, mbipeshën dhe kequshqyerjen.
Një pjesë e rëndësishme e praktikës realizohet edhe në industri alternative, falë marrëveshjeve të bashkëpunimit që Dermolife Academy ka vendosur me biznese të ndryshme, duke garantuar kështu një eksperiencë të plotë dhe gjithëpërfshirëse për studentët tanë.
Programi synon të formojë profesionistë të aftë për të ofruar shërbime cilësore dhe të personalizuara në fushën e nutricionit. Krahas njohurive të specializuara në nutricion dhe nëndegët përkatëse, studentët njihen me zhvillimet më të fundit shkencore dhe teknologjike në këtë fushë. Gjithashtu, programi përfshin njohuri bazë në:
• Sociologji,
• Psikologji,
• Estetikë,
• Anatomi,
• Siguri Ushqimore,
duke ofruar një formim të plotë për një karrierë të suksesshme.
Ky program është krijuar për të përmbushur kërkesat në rritje të tregut dhe për të ofruar një eksperiencë unike edukative, që i hap dyer të reja mundësive për zhvillim profesional dhe vetëpunësim.
Në përfundim të studimeve, çdo student pajiset me një çertifikatë profesionale të njohur brenda dhe jashtë vendit, e cila ofron jo vetëm mundësi punësimi, por edhe potencialin për të ndërtuar një biznes të suksesshëm në këtë fushë. Qëllimi ynë është të ofrojmë arsim cilësor dhe të mbetemi një shtyllë mbështetëse për studentët tanë edhe pas diplomimit.
Cfare trajton programi?
Pas nje perfundimi te suksesshem te programit shkenca dhe teknologjia e ushqimit - drejtimi nutricion, kandidatet do te jene ne gjendje te:
- Kuptojne rolin e ushqimeve dhe te te ushqyerit, nivelet e funksionit te lendeve ushqyese, ne ruajtjen e shendetit normal si dhe mbeshtetjen ushqyese ne semundjet gjate gjithe jetes.
- Vleresojne dhe kuptojne standardet, ligjet, rregulloret dhe politikat e te ushqyerit per planifikimin dhe nderhyrjen dietike.
- Analizojne dhe kuptojne aspektet e sjelljes se te ushqyerit (p.sh. statusi socio-ekonomik, kultura, psikologjia, zgjedhjet e konsumatorit, kostot) dhe zbatimin e tyre ne rreziqet shendetesore.
- Kryerjen e hulumtimeve mbi te ushqyerit dhe ndarjen e gjetjeve ne konferenca shkencore dhe ne mjedise te tjera.
- Udhezojne individet, familjet dhe komunitetin mbi te ushqyerit, planifikimin e dietave dhe pergatitjen e ushqimit per te rritur perfitimet shendetesore dhe per te zvogeluar rreziqet e mundshme per shendetin.
- Pergatisin dhe vleresojne te dhenat ne lidhje me gjendjen shendetesore dhe te ushqyerit te individeve, grupeve dhe komuniteteve ne baze te vlerave ushqyese te ushqimeve te sherbyera apo konsumuara.
- Mbikeqyrin pergatitjen dhe sherbimin e ushqimeve, monitorimin e marrjes se ushqimit dhe cilesine e tij per te siguruar kujdes ne te ushqyer ne mjedise ku ofrohen sherbime te ushqimit (duke perfshire institucionet publike dhe private).
- Shtjellojne dhe krijojne receta specifike dietologjike per persona te veçante sipas kerkesave dhe nevojave te personave (sipas gjinise, moshes, profesionit etj).
- Njohin praktikat e mira te prodhimit dhe te percaktojne vlerat nutritive te çdo produkti ushqimore.
