Trajtimi i celulitit dhe dhjamit të lokalizuar, përse nuk duhet të humbisni kurrsesi këtë masterclass?

  • Tema:

    Trajtimi i dhjamit te lokalizuar dhe celulitit me ane te mesoterapise

  • Vendi:

    ------

  • Data Fillimit:

    13 Mars, 2020

  • Data Mbarimit:

    13 Mars, 2020

  • Pjesmarrja:

    ------

Pёrshkrimi

Depozitat tipike të dhjamit të lokalizuar gjenden kryesisht në pjesën e poshtme të barkut, në pjesën e jashtme të kofshëve ose zonat e trupit ku celuliti është gjithashtu shpesh i pranishëm. Për shkak se këto depozita kanë tendencë të jenë rezistente ndaj stërvitjes dhe dietave, shumë njerëz dekurajohen kur përpjekjet e tyre nuk arrijnë t'i largojnë ato. Depozitat e lokalizuara të dhjamit dhe celulitit, janë problematike për disa arsye, njëra është kriteri estetik i sotëm që e dënon, tjetra është e lidhur me stilin e jetesës.

Sipas studimeve 80- 90% e grave janë të prekshme nga celuliti disa kohë pasi arrijnë pubertetin, dhe jo të gjitha këto gra apo vajza konsiderohen mbipeshë. Duke qenë një nga temat dhe problemet më të diskutuara kryesisht mes gjinisë femërore, edhe teknikat që përdoren për trajtimin e tyre janë të shumta, por sa prej tyre janë realisht efektive?

Klinika Dermolife e cila gjithmonë është në kërkim të risive si dhe e gatshme për të sjellë e para metodat më të fundit që përdoren gjerësisht në botë kryesisht për të trajtuar pamjen estetike dhe obezitetin. Së fundmi, në bashkëpunim me Dermolife Academy si dhe lektorëve më të mirë në Itali, përsa i përket trajtimit të celulitit dhe dhjamit të lokalizuar, do të mbahet një prej masterclass-eve më të kërkuar për trajtimin e këtyre dy problemeve estetike. Në këtë trajnim i cili fton të gjithë estetistët, të gjithë llojet e profileve mjekësore por edhe të gjithë individët e interesuar që duan të mësojnë dhe të praktikojnë metodat më të fundit që përdoren sot në botë për trajtimin e celulitit, të gjithë pjesëmarrësit do të trajnohen si të trajtojnë këtë problem me anë të dy metodave më kryesore: me anë të injektimit të gjilpërës, si dhe me anë të përdorimit të pajisjes mesotech, të dyja metodat më efikase dhe efektive për të luftuar dy nga shqetësimet më të mëdha me të cilat përballen femrat sot, por edhe kërkesat e pafundme që kanë qendrat estetike për zgjidhjen e tyre.

Përvec pajisjes me çertifikatën përkatëse, në fund të trajnimit Dermolife Academy ka si objektiv kryesor formimin teorik dhe praktik të pjesëmarrësit. Në fund, të gjithë individët do të jenë të aftë teorikisht dhe profesionalisht të zbatojnë teknikat më të fundit që përdoren për celulitin, të gjitha këto mësohen nën kujdesin dhe profesionalizmin e lektorit italian i cili praktikon të tilla masterclass-e nëpër të gjithë botën.

Ftojmë të gjithë të interesuarit të mos e humbasin këtë mundësi e cila pikë së pari vjen si pasojë e kërkesave të shumta tuajat për ta sjellë në Shqipëri. Në fund të ditës do të jeni ju që do të merrni feedback-un pozitiv, dije dhe aftësime të reja profesionale. Përse jo të jeni ju të parët që zbatoni teknikat më të fundit për trajtimin e dhjamit të lokalizuar dhe celulitit.